Rikthehet Covid-19 në Itali, shtyhet kjo ndeshje

Pas Anglisë, Covid-19 është bërë shkaktar i anulimit të një ndeshjeje futbolli edhe në Itali.

Seria B ka bërë me dije së fundmi se për shkak të rasteve me koronavirusi është vendosur të shtyhet përballja mes Benevento dhe Monza.

Mediat italiane bëjnë me dije se te klubi i Monza kanë rezultuar pozitivë në testin e Covid-19 5 lojtarë dhe pjesë të stafit dhe për këtë arsye autoritetet shëndetësore lombarde nuk kanë lejuar zhvillimin e këtij takimi.

Emrat e lojtarëve të infektuar nuk janë bërë publikë, ndërkohë që Seria B thekson se sfida do të zhvendoset në një datë tjetër. Ndërsa kjo bëhet ndeshja e parë e këtij sezoni që shtyhet për shkak të koronavirusit në Itali./K.T/Gijotina.com