Pasi i tha se PD ka humbur legjitimitetin dhe nuk meriton replikën e qeverisë, kryetari i Partisë Demokratike, Lulzim Basha i është kundërpërgjigjur ministres Elisa Spiropali.
Nga foltorja e Kuvendit, Basha tha se ajo dhe asnjë tjetër nga shumica nuk mund të flasin për legjitimitetin e Partisë Demokratike, pasi ato janë të futur në kuvend me krimin e korrupsionin nga pas.
“Legjitimitetit nuk ta japin milionat e grabitura në dogana, dhe as vota e blerë me paratë e oligarkëve, as non gratat e SHBA, legjitimiteti në këtë vend duhet që të burojë nga qytetarët. Për këtë duhet që të kemi një proces të lirë dhe të ndershëm. Shqiptarët me 25 prill ju kanë shkarkuar. Ju mbështeteni pas krimit të organizuar, pas korrupsionit galopant që sot ju ka bërë multimilionerë dhe përmes bashkëpunimit të hapave të shpejtë me trekëndëshin e Bermudës. Ajo që ne kemi detyrim është që tu shkurtojmë orët, ju jeni mbi kalin e korrupsionit dhe i kanë neveritur mbi palcë shqiptarët, mbi kalin e korrupsionit që e keni futur në këtë parlament“, tha Basha.
Ndër të tjera ai ka theksuar se legjitimiteti i PD-së përcaktohet vetëm nga vota e lirë e qytetarëve shqiptarë, të cilët me 25 prill kanë shkarkuar edhe këtë qeveri.
Discussion about this post