Qeveria e Kosovës në mbledhjen e sotme ka miratuar vendimin për ndalimin e përdorimit të TikTok-ut në të gjitha institucionet publike.
Zëvendësministri i Ministrisë së Punëve të Brendshme (MPB), Bardhyl Dobra ka thënë se me qëllimin e rritjes së sigurisë kibernetike i kanë rekomanduar qeverisë që të ndalojë përdorimin e TikTok dhe të gjitha shërbimet e tij në institucionet publike.
“Me qëllim të rritjes së sigurisë kibernetike MPB-ja i rekomandon qeverisë së Republikës së Kosovës të ndalojë instalimin, përdorimin dhe funksionimin e aplikacionit të rrjetit social TikTok dhe të gjitha shërbimeve të tij në të gjitha rrjetet shtetërore të komunikimit elektronik dhe të pajisjeve zyrtare të teknologjisë së informacionit dhe të komunikimit që janë në pronësi dhe në menaxhim të institucioneve publike”, ka thënë Dobra.
Discussion about this post