Pas Shqipëri, edhe Kosova ka marrë vendim që dita e mërkurë, 3 korrik 2024, të shpallet ditë zie shtetërore, në nderim të kolosit të letrave shqipe, Ismail Kadare, i cili u nda nga jeta një ditë më parë.
Sipas vendimit të presidnetes Vjosa Osmani, zia shtetërore do të jetë gjatë ditës së mërkurë, ditën kur edhe varroset i ndjeri Ismail Kadare, ndërkaq Protokolli i Shtetit ngarkohet që t’i ndërmarrë të gjitha veprimet e nevojshme për zbatimin e këtij vendimi.
Presidentja Osmani, në qershor të vitit të kaluar, e ka dekoruar shkrimtarin Ismail Kadare me Urdhrin “Hasan Prishtina”, ndër Urdhrat më të lartë të cilin e jep Republika e Kosovës për personalitetet më të shquara të kombit. Ndërsa në gusht, Presidentja shpalli dekretin me të cilin shkrimtarit me famë botërore, Ismail Kadare, i është dhënë nënshtetësia e Republikës së Kosovës.
Discussion about this post