Ish-ministri i Jashtëm, Tritan Shehu, ka deklaruar gjatë fjalës së tij në protestë se nuk është kundër nismës Ballkani i Hapur, por ka një propozim më të mirë. Sipas tij, duhet bërë në një tryezë ku të gjithë palët të jenë dakord, e në krye të jetë e vendosur Brukseli.
“Të nderuar qytetarë që keni ardhur sot këtu përpara godinës së kryeministrisë për të sjellë vullnetin tuaj. I nderuar zoti Berisha ju falënderoj për iniciativën tuaj në mbrojtje të rrugës Perëndimore, e për të qenë pjesë e Evropës së bashkuar. Ne jemi mbledhur prej strukturave të ringritura të PD, për të shprehur forcën ndaj asaj që po ndodh e protestuar për atë që është këtu, paktit Rama-Vuçiç, sepse i tillë ka mbetur. Pra ka mbetur vetëm një pakt që ka për qëllim të sjellë përsëri fantazmën e Jugosllavisë së re. Ka për qëllim të finalizojë idenë që është gatuar, influencën serbe në rajon. Ka për qëllim të lidhë rajonin tonë nëpërmjet traktatit EuroAzia”, duke thëksuar se Shqipëria duhet të mendojë për të ardhmen e Ballkanit.
Discussion about this post