Kryetarja e LSI, Monika Kryemadhi ka vijuar me denoncimet për aferën e inceneratorëve, të cilët opozita e konsideron si aferë më të madhe korruptive ndonjëherë.
Këtë herë, Kryemadhi ka postuar një video,, që sipas saj tregon implikimin e kryetarit të Bashkisë Erion Veliaj në këtë aferë, ndërsa shtron dhe një pyetje.
“Vazhdojmë me serinë e denoncimit publik të mega aferës së inceneratorëve. Më poshtë do të shihni vetëm një pjesë të zinxhirit të bashkëpunimit kriminal të gjithë shtetit shqiptar, në këtë aferë dhe konkretisht rolin e kryetarit të bashkisë Tiranë.
Pyetja shtrohet: Erion Veliaj do të përballet me drejtësinë në detyrë si kryetar bashkie, apo si i shkarkuar nga Rama?”, shkruan Kryemadhi.
Si i përfshirë në aferën e inceneratorëve është arrestuar ish-ministri i LSI, Lefter Koka ndërsa janë shpallur në kërkim Klodian Zoto dhe Stela Gugallja.
Discussion about this post