E zë korrenti duke qethur delet, ndërron jetë shqiptari në Greqi

Një 45-vjeçar ka gjetur vdekjen mesditën e së martës në Larisa të Greqisë. Fillimisht për ngjarjen është njoftuar ambulanca e EKAB, për të shkuar në një njësi blegtorale që ndodhet në Karya Olympos.

Ekipet e shpëtimit mbërritën në vendngjarje, por gjetën të vdekur një 45-vjeçar me origjinë shqiptare, trupin e të cilit e morën dhe e transportuan në Spitalin Universitar të Larisës.

Dyshohet se blegtori 45-vjeçar ka humbur jetën për shkak të një goditjeje elektrike teksa qethte delet me gërshërë elektrike.

Policia po heton për shkaqet e aksidentit.