Landfilli i depozitimit të mbetjeve, pranë inceneratorit të Elbasanit, është përfshirë nga flakët mëngjesin e kësaj të mërkure.
Siç shihet nga pamjet, shtëllunga të mëdha tymi shihet të dalin nga landfilli, ku flakët po përhapen me shpejtësi për shkak dhe të temperaturave të larta.
Ekipi zjarrfikës i Elbasanit ka shkuar në vendngjarje dhe po vijon punën pëër neutralizimin e flakëve.
Ende nuk dihen shkaqet e rënies së zjarrit në landfill.
Duke qenë se prej kohësh procesi i ndarjes dhe djegies nuk ashte kryer, fusha e plehrave është e tejmbushur duke u kthyer në katastrofë mjedisore për Elbasanin.
Edhe gjatë verës së 2023, landfilli i Elbasanit u përfshi nga flakët të cilat u shuan pas disa ditësh me ndërhyrjen e qindra forcave te shërbimit zjarrfikës, emergjencave dhe ushtrisë.
Discussion about this post