Mick Schumacher, pilot i Ferrari-t për sezonin e ri

Djali i Michael Schumacher, Mick do të jetë një nga pilotët rezervë të Ferrarit vitin e ardhshëm, përveçse do të konkurrojë me ekipin Haas.

“Ne nuk duhet të harrojmë se ai është një pilot Ferrarit: ka qenë pjesë e akademisë së pilotëve të Ferrarit dhe, siç e përsërisim, kjo akademi ekziston për të identifikuar pilotët e ardhshëm të Ferrarit”,– tha Mattia Binotto, drejtor i ‘kokëkuqes’.

Ai beson se Mick Schumacher, i cili është 22 vjeç dhe sapo ka zhvilluar sezonin e tij të parë në Formula 1, me Haas (i 19-ti dhe i parafundit në renditjen e pilotëve, pa asnjë pikë të shënuar), “ka bërë mirë dhe ka përparuar, jo vetëm në aspektin e qëndrueshmëri, por edhe në shpejtësi”.

Gjermani do të marrë rolin e shoferit rezervë (ky rol konsiston në zëvendësimin e pilotëve titullarë të sëmurë ose të dëmtuar), ndërkohë që do të jetë gati në 11 nga 23 Grand Prix e planifikuar për vitin e ardhshëm, duke u alternuar me italianin Antonio Giovinazzi./K.T/Gijotina.com