Dy muaj pas vdekjes së Armand Nelajt, grupi hetimor ka arritur të zbardhë shkakun e ngjarjes. Sipas hetimeve, Armando Nelaj, së bashku me një tjetër person – i cili është arrestuar, dyshohet se do vendosnin tritol te një traget i linjës Sarandë-Korfuz për arsye konkurrence.
Megjithatë, ngjarja nuk shkoi siç ata e kishin planifikuar. Lënda plasëse dyshohet se shpërtheu aksidentalisht, duke shkaktuar vdekjen e 52-vjeçarit Armand Nelaj.
Këtë të hënë, policia lokale njoftoi arrestimin e një 35-vjeçari, i cili dyshohet se bashkë me Nelën, do t’i vendosnin një anijeje të kompanisë “Finikas Lines” një sasi eksplozivi, që shpërtheu aksidentalisht duke shkaktuar vdekjen e 52-vjeçarit, rreth orës 22:00 të 24 qershorit, në portin e Sarandës
Në pranga u vu Erdion Muho, 35 vjeç, banues në Sarandë.
“Ky shtetas dyshohet se në bashkëpunim me shtetasin A.N. kishin planifikuar vënien e një sasie eksplozivi te njëra nga anijet që operon në linjën Sarandë-Korfuz, për motive konkurrence. Kjo sasi lënde plasëse ka shpërthyer aksidentalisht, gjatë tentativës për ta transportuar dhe vënë në anije, dhe si pasojë ka humbur jetën shtetasi A.N.”, njoftoi policia.
I arrestuari Erdion Muho, sipas të dhënave në Qendrën Kombëtare të Biznesit, pronari i kopanisë “Erdano Tours”, me fushë vempritarie “Shërbime turistike, makina me qera, shërbime ormexhimi, agjensi detare”.
Sipas njoftimit të vetë faqes së kompanisë në uebsajtin zyrtar apo rrjetet sociale, “Erdano Tours” ofronte lundrim nga Saranda në Korfuz dhe anasjelltas.
Në vitin 2021, Erdion Muho ka qenë pjesë e listave për deputet në listat e Lëvizjes për Ndryshim të ish-kryeparlamentares Jozefina Topalli.
Discussion about this post