Më shumë se 175,000 njerëz vdesin nga efektet e nxehtësisë ekstreme çdo vit në Europë, rajoni me ngrohjen më të shpejtë në botë, sipas një njoftimi për shtyp të publikuar sot nga divizioni evropian i Organizatës Botërore të Shëndetësisë (OBSH).
Ndër 489,000 vdekjet e lidhura me nxehtësinë e regjistruar nga OBSH ndërmjet viteve 2000 dhe 2019, “rajoni evropian përbën 36% (të këtyre viktimave), një mesatare prej 176,040 vdekjesh çdo vit” gjatë asaj periudhe.
Gjatë 20 viteve të fundit, vdekshmëria e lidhur me nxehtësinë atje është rritur me 30%.
“Temperaturat ekstreme përkeqësojnë sëmundjet kronike, veçanërisht sëmundjet kardiovaskulare, respiratore dhe cerebrovaskulare, shëndetin mendor dhe çrregullimet e lidhura me diabetin”, shpjegon OBSH Europe.
Ato gjithashtu shkaktojnë “stres të nxehtësisë”, i cili ndodh kur trupi i njeriut nuk arrin të mbajë një temperaturë midis 36 dhe 37 gradë Celsius, dhe që tani është shkaku kryesor i vdekshmërisë së lidhur me klimën në rajon.
Sipas OBSH-së, numri i viktimave të të nxehtit do të “shpërthejë” në vitet e ardhshme për shkak të ngrohjes globale, e cila është përgjegjëse për rritjen e numrit të valëve të të nxehtit në Evropë në dekadat e fundit.
“Tre vitet më të ngrohta të regjistruara në Rajonin Evropian të OBSH-së kanë ndodhur që nga viti 2020 dhe dhjetë vitet më të ngrohta janë regjistruar që nga viti 2007,” tha Kluge.
Sipas organizatës së OKB-së, është e mundur të përballemi me të nxehtin duke adoptuar sjellje të thjeshta: të qëndrojmë në një vend të mbrojtur nga temperaturat e larta, të mbajmë shtëpinë tonë të freskët dhe të hidratohemi rregullisht.
Discussion about this post