Pasi dështuan në transferimin e Nico Williams, Barcelona tani ka hedhur sytë nga sulmuesi i Milanit Rafael Leao. Portugezi është kthyer në një nga dëshirat e klubit katalanas dhe kanë nisur negociatat me skuadrën italiane.
Operacioni duket i vështirë kjo edhe për faktin se Barcelona mbetet mes shumë vështirësive ekonomike dhe vijon të ul pagat e larta në skuadër. Rafael Leao vetëm pak kohë më parë ka rivonuar kontratën me Milanin deri në qershor të vitit 2028, dhe për këtë kuqezinjtë janë të qetë se vetëm një skuadër që do të ofrojë rreth 90 apo 100 milionë euro do ta bëjë për vete futbollistin.
Pavarësisht vështirësive katalanasit duan ti përgjigjen madrilenëve me një goditje të madhe në merkaton e verës ndonëse kanë shumë pak kohë në dispozicion. Buxheti që Barcelona ka për të nënshkruar me një lojtar të madh është jo më shumë se 60 milionë euro, e njëjta shumë që katalanasit ofruan për Nico Williams. Negociatat me Milanin duket se kanë nisur madje presidenti Laporta i ka vënë në tryezë kuqezinjve dhe disa lojtarë teknikë në shkëmbim si Christensen, Ferran Torres, Martinez apo Balde.
Mbetet për t’u parë nëse këto emra do ti bindin drejtuesit kuqezi për ta transferuar Rafael Leaon në Barcelonë.
Discussion about this post