Deputeti i Partisë Demokratike, Saimir Korreshi i ka shtruar disa pyetje ministres së Bujqësisë, Anila Denaj, sa i takon shqetësimeve të fermerëve.
Sipas tij, gruri nuk po mblidhet më dhe ka një rënie me 90% të fushave të mbjella. Një tjetër shqetësim sipas tij është edhe mungesa e kompensimeve për fermerët. Ai tha se u bë një fushatë që lekët e naftës do t’i kaloheshin në llogari, por ende nuk ka ndodhur.
Me nota ironie dhe humori deputeti i PD pyeti: A do anulohet ai ligji për akademinë e çobanove?
Korreshi: Unë i shkreti vij nga një realitet tjetër. Pyetja e parë që kishin blegtoret, a do anulohet ai ligji për akademinë e çobanëve? E dyta, ligji a do parashikojë më që do kemi 10 kokë lope, apo do ulet? Po jepen delet borxh për të marrë kompensime, ju ftoj ta verifikoni zonja ministre.
…Unë shyqyr që e kapa njëherë ministren e Bujqësisë. O Klodi ti po na ndërpret, po na i bën si kopësht me drekë, filloi shkolla sot dakord, por ne nuk jemi në klasë të parë.
Bushka: vazhdoni Saimir pyetjet
Korreshi: E dini që ka dy vite grurin nuk e mbledhin më, nuk e hanë as lopët. Ka një rënie me 90% të fushave të grurit. I morët numrin e llogarive, por nuk i kaluat naftën, kur do kalojë këto leket për të marrë naftën?
Si ka mundësi që nuk po subvencionohet më gruri? Ishte politike e kësaj qeverie…
….O ti shefe të mbaroj
Bushka: E kemi gjithë vëmendjen tek ty Korreshi
Korreshi: Shalqinin as lopët nuk po e hanë më, kaq bollëk kishte në Shqipëri dhe nuk ka një politik. Një nga faktorët që nuk është shitur gruri është fara e keqe, as derrat nuk e hanë më. Çfarë politikash ndjek për të ndihmuar fermerin, Ministria e Bujqësisë?
Discussion about this post