Altin Kuka dyshohet se nuk është autori i vetëm i vrasjes së dyfishtë në Kurjan në Roskovecit. Dy orë pas krimit, policia ka arrestuar edhe një tjetër person, që dyshohet se është përfshirë në vrasjen e Gramoz Kurtajt dhe Vladimir Kurtajt.
Gramoz dhe Vladimir Kurtaj, u vranë sot, rreth orës 14:00 në Kurjan të Roskovecit. Xhaxha dhe nip u ekzekutuan në lokalin e tyre, që ndodhej në qendër të fshatit.
Ndërkohë, më herët, u vetëdorëzua në polici autori i dyshuar i krimit, 49-vjeçari Altin Kuka.
Dyshohet se krimi erdhi pas një sherri që kishte ndodhur më herët mes djalit të Kukës dhe viktimave. Ndërkohë, policia po mbledh prova nga vendngjarja dhe dëshmi nga familjarë dhe banorë të fshatit.
Vrasja e dyfishtë në Roskovec, shoqërohen dy djemtë shkaktarë të konfliktit
Shoqërohen në polici dy djemtë shkaktar të konfliktit që përfundoi në tragjedi mesditën e sotme në Roskovec. Sot në mesditë mbetën të vrarë me armë zjarri dy vëllezërit, Gramoz e Lavdërim Kurtaj, të vrarë nga kushëriri i tyre Artan Kuka. U shoqëruan dy djemtë e Gramoz Kurtajt, Marsel dhe Klajdi Kurtaj, të moshës 25 dhe 27 vjeç.
Sipas dëshmive në vendngjarje shkak i konfliktit që përfundoi me dy viktima mendohet të jetë një grindje mes fëmijëve mbrëmjen e djeshme.
Në momentin që ka ndodhur ngjarja me dy viktimat kanë qenë në një lokal të vogël në qendër të fshatit që e kanë pronën e tyre, kur u qëlluan me breshëri automatiku nga Altin Kuka, i cili më pas u dorëzua në polici së bashku me armën e krimit.
gijotina.com/
Discussion about this post