Aksident i rëndë në Fier, makina përplas për vdekje këmbësorin

Një aksident i rëndë automobilistik është regjistruar mesditën e kësaj të diele në unazën e qytetit të Fierit.

Nga informacionet paraprake mësohet se në automjet ka përplasur një këmbësor, i cili ka marrë dëmtime të forta në kokë. Ai është transportuar me urgjencë në spital, por nuk ka arritur dot t’u mbijetojë plagëve të marra duke ndërruar jetë.

Policia ndodhet në vendin e ngjarjes dhe po punon për zbardhjen e plotë të rrethanave të aksidentit.

Njoftimi:

Rreth orës 13:15, në rrugën “Skënderbej”, Fier, shtetasi M. J., 47 vjeç, duke drejtuar automjetin, ka përplasur këmbësorin, shtetasin L. Ç., 81 vjeç.

Si pasojë e përplasjes shtetasi L. Ç., ka humbur jetën.

Shërbimet e Policisë kanë shoqëruar drejtuesin e automjetit, shtetasin M. J., në Komisariat për veprime të mëtejshme. Grupi hetimor po punon për sqarimin e plotë të rrethanave të aksidentit.