Ndryshe nga Rama, presidentja Osmani takon mërgatën në ShBA: Mbrëmje madhështore

Presidentja e Kosovës, Vjosa Osmani është takuar dje me mërgatën në Shtetet e Bashkuara të Amerikës, gjatë qëndrimit në New York.

Osmani e ka cilësuar këtë si një mbrëmje madhështore, “ashtu siç është edhe lidhja ndërmjet Kosovës dhe Amerikës”.

Ky takim është organizuar nga shoqatat shqiptare atje.

“Një mbrëmje madhështore në mesin e mërgatës sonë dje, ashtu siç është edhe lidhja ndërmjet Kosovës dhe Amerikës! Faleminderit Shoqatës ‘Ulqini’ dhe të gjitha shoqatave të tjera pjesëmarrëse për organizimin”, ka shkruar Osmani, teksa ka publikuar edhe pamje nga takimi.

Kjo pritje madhështore bie në kontrast me pritjen që iu rezervua Edi Ramës.

Ky i fundit u fut në një bunker me një grusht personash.

Edhe pse deklaroi se ishin të ftuar përfaqësues nga 100 organizata shqiptare, në fakt në sallë nuk ishin më shumë se 52 persona.

Për më tepër, shumë prej tyre ishin zyrtarë të qeverisë.

Në krye të sallës qëndronin bashkëshortja e tij, Linda Rama, ministri Taulant Balla, ambasadori Ervin Bushati, kryebashkiaku Erion Veliaj, etj.