"Berisha dhe Salianji të burgosur politikë", Kaso: Përballja nis që sot në Parlament! -

“Berisha dhe Salianji të burgosur politikë”, Kaso: Përballja nis që sot në Parlament!

Drejtuesi politik i Qarkut Korçë për PD, Ivi Kaso tha se përballja e opozitës nis që sot në parlament, ku është parashikuar që seanca plenare të mbahet në orën 17:00.

Në një reagim në rrjtete sociale, ai shtoi se Berisha dhe Salianji janë të burgosur politik. Kaso paralajmëron se protesta e 7 tetorit do të jetë masive teksa shton se kjo është përballja e qytetarëve me qeverinë.

“Për shkak të një vendimi politik të kryesisë së PD-së, të ratifikuar në mbledhjen e djeshme të këshillit kombëtar që është organi më i lartë drejtues i partisë midis dy kuvendeve, PD ka thirrur një tubim të madh në datën 7 tetor në orën 18:00 pasdite përpara kryeministrisë. Tubimi i cili më pas do të përhapet dhe do zhvillohet në të gjitha rrugët e Tiranës. Aksioni i grupit parlamentar, aksioni i sotëm pasi ishte planifikuar që të mbahej mbledhja e Kuvendit, pra seanca plenare sot në orën 17:00 sigurisht do ti japi tonin pra veprimi i grupit parlamentar ose përballja që do fillojë që sot në sallën e parlamentit.

Kësaj radhe ka edhe një arsye më shumë siç është ajo e burgosjes politike të nën kryetarit të grupit parlamentar, deputeti Ervin Salianji i cili sot së bashku me liderin e opozitës Sali Berisha janë dy të burgosurit politikë. Besoj se motivet e protestës janë të qarta dhe të ditura për qytetarët. Lëvizja e fundit armiqësore ndaj opozitës, që ishte qartazi një lëvizje armiqësore ndaj opozitës vetëm se ka përshpejtuar vënien në kalendar të kësaj natyre përballjeje, pra të protestës masive”, shkruan Kaso.