Kleo Kariqi dhe Redi Hambari, dy pronarët e një agjencie të “Avia Center” janë arrestuar nga policia e Tiranës, pasi gjatë hetimeve të kryera lidhur me disa denoncime të bëra në sektorin e krimit ekonomik, rezultoi se ata mashtronin qytetarët përmes skemës së akomodimit në hotelet Turke.
Janë mbi 5 raste, ku qytetarë të ndryshëm kanë depozituar kallëzim penal ndaj subjektit tregtar “Avia Center”, të cilët pasi u merrnin eurot, bënin rezervim fiktiv të prenotimet të hotelit.
Qytetarët pajiseshin me bileta avioni, por kur shkonin në hotelet Turke, ata rezultonin se nuk ishin akomoduar sipas prenotimit të bërë në Tiranë.
Nisur nga kjo sjellje, qytetarët janë kthyer në Tiranë, duke marrë takim me Kleo Kariqin dhe Redi Hambarin, të cilëve i kanë kërkuar të kthejnë lekët mbrapsht.
Por shumat financiare që variojnë deri në 15 mijë euro nuk janë kthyer pasi Kariqi dhe Hambari kanë pretenduar se gabimi ka qenë i hotelit që qytetarët kishin prenotuar dhe jo agjencisë turistike në Tiranë.
Për pasojë qytetarët e mashtruar i janë drejtuar policisë së Tiranës, e cila menjëherë nisi verifikimet.
Hetimi ka provuar se Kariqi dhe Hambari, prej vitit 2022 kishin hapur në Tiranë subjektin tregtar “Avia Center”, duke u sjellë si agjent turistik në fushat e transportit ajror, detar, tokësor dhe shitjen e biletave.
Sipas policisë dy të rinjtë dyshohet se kanë mashtruar klientë të agjencisë së udhëtimit, pasi iu kanë marrë atyre paratë për rezervimin e biletave për vajtje, ardhje dhe për akomodim në hotel, por kanë blerë vetëm biletën për vajtje në destinacion. Ndërkohë pjesa tjetër e biletës për kthim dhe akomodim në hotel ka qenë fiktive.
Nga hetimet e kryera oficerët e krimit ekonomik në Tiranë, zbuluar se gjatë aktivitet tregtar dy pronarët e “Avia Centër”, nuk kishin paguar detyrimet e taksave dhe kishin fshehur të ardhurat e tyre financiare në këtë biznes.
Nisur nga kjo situatë policia ka arrestuar Kleo Kariqin dhe Red Hambarin për akuzën e Mashtrimit kryer në bashkëpunim në vlerën 15 mijë euro dhe dy akuza të tjera si fshehja e të ardhura dhe mospagimi i taksave./Oranews
Discussion about this post