Berisha mesazh ngushëllimi për ish-Presidentin grek: Shqiptarët kanë pasur një mik të vërtet

Ish-kryeministri Sali Berisha ka përcjellë një mesazh ngushëllimi për ndarjen nga jeta të ish-presidentit të Greqisë, Karolos Papulias.

Berisha shprehet se me ndarjen nga jeta të Papulias, shqiptarët humbën një mik të shquar.

“Mesazh ngushëllimi! Të dashur miq, ish Presidenti i Greqisë, Karolos Papulias u nda nga jeta. Ish presidenti Papulias ishte një shtetar i shquar që i shërbeu për dekada vendit dhe kombit të tij. Ai ishte një luftëtar i paepur i lirisë dhe një qëndrestar trim ndaj pushtimeve të huaja dhe rregjimeve diktatoriale në vendin e tij.

Shqiptarët kanë pasur tek ish presidenti Papulias një mik të vërtet që i donte dhe i çmonte. Me këtë rast shpreh ngushëllimet e mia të ndjera familjareve të tij dhe autoriteteve të vendit të tij” – shkruan Berisha.