Ylli i Paris Sain-Germain, Lionel Messi ka treguar marrëdhënien që ka pasur me legjendat e klubit të Barcelonës në kohën kur ishte në fillimet e tija.
“Unë i respektova të gjithë kampionët e mëdhenj që ishin atje. Nga Ronaldinho, te Eto’o, Puyol, për të mos përmendur Xavi, Iniesta, të cilët gjithsesi ishin më të rinj. Por ishte një lojtar që më bënte gjithmonë të dridhem. Ishte Henry.”, -u shpreh argjentinasi për ‘Mirro’.
‘Pleshti’ theksoi se kishte frikë nga Thierry Henry: “Kam ditur gjithçka për të. E dija se çfarë kishte bërë në Angli dhe papritmas e gjeta në ekip. Për të ndjeva dhe ndjej një lloj admirimi. Ditën e parë që mbërriti në dhomat e zhveshjes, nuk guxova ta shikoja në sy. Mënyra e tij e lojës, thjeshtësia me të cilën ai bënte disa gjëra. Ai gjithashtu i bënte gjërat e vështira të dukeshin të thjeshta”.
Megjithatë vetë Messi është një nga emrat më të mëdhenj që ka njohur gjatë gjithë historisë klubi i Barcelonës./K.T/Gijotina.com
Discussion about this post