Fshesat e kompanisë Ecovacs me sa duket janë mjaft të lehta për t’u hakuar. Kompania kineze ka një histori të gjatë të shkeljeve të sigurisë që lejojnë njerëzit me qëllime të këqija që të bëjnë çfarë të duan me pronarët e produkteve që ata prodhojnë. Një ndër to është edhe spiunimi i pronarëve me kamerën që ka fshesa.
Sipas mediave të huaja, produktet e Ecovacs u hakuan në shumë shtete të SHBA-së. Sado e çuditshme që të duket, fshesat me korrent filluan që të shanin “pronarët”. Problemi është pikasur tek modeli “Deebot X2” të Ecovacs. Hakerët fituan kontrollin e pajisjeve dhe përdorën altoparlantët për të thënë atë që u vinte ndërmend.
Një avokat nga Minesota i quajtur Daniel Swenson tregoi se ishte duke parë televizor kur dëgjoi disa zhurma të çuditshme që vinin nga fshesa e tij. Këto zhurma ishin thirrje raciste. Ka pasur raporte të shumta për incidente të ngjashme në të gjithë Shtetet e Bashkuara dhe në të njëjtën kohë. Në Los Angelos, fshesa filloi që të ndiqte qenin e shtëpisë.
Sulmet me sa duket janë mjaft të lehta për t’u kryer falë disa dobësive të njohura të sigurisë në Ecovacs.
Një çift studiuesish të sigurisë kibernetike publikuan një raport mbi Ecovacs duke detajuar të metat e shumta të sigurisë së markës në fillim të këtij viti. Kompania, me sa duket, nuk i ka adresuar ende të gjitha çështjet, madje as nuk e besojnë që fshesat e tyre mund të hakerohen.
Pavarësisht ofendimeve, Swenson ishte i kënaqur që hakerat e shanë, pasi kështu kishte marrë masa.
“Ata mund të na shikonin përmes kamerës së tij robotike dhe të dëgjonin përmes mikrofonit atë që ne po thoshim pa e ditur ne. Ishte tronditëse,“- tha ai.
Discussion about this post