Ferran Torres ditën e sotme ka kompletuar testet mjekësore te Barcelona para se të zyrtarizohet edhe transferimi i tij prej 55 milion eurosh në Camp Nou
Lojtari 21-vjeçar shihej si objektiv i rëndësishëm për katalanasit, me Xavin të dëshpëruar për të nënshkruar me një sulmues të ri pas pensionimit të parakohshëm të Sergio Agueros.
Marrëveshja mes Barcelonës dhe Manchester Cityt është arritur dhe pritet që së shpejti të bëhet edhe prezantimi zyrtarë i Torres.
Lojtari u pa duke stërvitur i vetëm në Valencia ditën e sotme ku iu nënshtrua testeve mjekësore për ta kompletuar kalimin në Camp Nou.
Përfaqësuesi i Spanjës është i gatshëm të nënshkruajë marrëveshje afatgjatë me Barcelonën, pasi vendosi të kthehet në atdhe, ku fillimisht e nisi karrierën te Valencia.
Blaugranasit pritet që në këtë afat të bëjnë së paku edhe një transferim, në mënyrë që të shpëtojnë këtë edicion të dobët.
Discussion about this post