“I kemi të gjitha cilësitë për t’u kualifikuar për në Kupën e Botës”, Ajeti në konferencë me Sylvinhon

Kombëtarja shqiptare e futbollit luan këtë muaj dy ndeshjet e fundit në Grupin B1 të Ligës së Kombeve. Më 16 dhe 19 nëntor në “Air Albania” duke nisur nga ora 20:45 përballë do jenë Çekia dhe Ukraina

Tanët me gjashtë pikë janë në vendin e tretë (me pikë të barabarta me vendin e dytë, Gjeorgjinë) dhe kërkojnë kreun për të pasur shanse të vijojnë më tej. Ndeshja e parë i gjen tanët përballë kryesuesve të Çekisë (7 pikë).

Para gazetarëve nga stadiumi i ndeshjes foli trajneri kuqezi, Sylvinho dhe mbrojtësi Arlind Ajeti.

“Besoj se i kemi të gjitha cilësitë për t’u kualifikuar për në Kupën e Botës, por është rrugë e gjatë. Nëse japim maksimumin, mendoj se do e arrijmë dhe këtë objektiv. U bëj thirrje tifozëve që të respektojmë himnin e Çekisë nesër, pavarësisht se çfarë ka ndodhur atje. Ne të tregojmë anën tonë”, tha Ajeti.

“I bëj thirrje të gjithë tifozëve që të respektojnë himnin e Çekisë dhe të tregojnë një anë të mirë, pavarësisht farë ka ndodhur në Çeki. Ne duhet të tregojmë anën tonë të mirë.

Shpresoj ta shoh ekipin siç ishte në Gjeorgji. E dimë që është një ndeshje shumë e vështirë. Ja dimë cilësitë Çekisë dhe shpresoj që nesër të dalim me tre pikë.

Në futboll janë të gjitha të mundura. Unë besoj te skuadra, te cilësitë e ccdo lojtari. Normalisht që ne synojmë vendin e parë, të fitojmë këto dy ndeshje. Gjithçka është e mundur, por me cilësitë që kemi besoj se nuk do biem.

Besojmë që mund t’ia dalim prapë, edhe pse është ndeshje tjetër. Çdo ndeshje nis nga 0-0. Ne kemi cilësinë për të marrë sërish një rezultat pozitiv. Shpresoj t’ia dalim.

Ndjenja në Kombëtyare është gjithmonë ndryshe. Të jesh pjesë e Kombëtares është pjesë e veccantë dhe vetëm ata që janë pjesë e dinë. Prandaj në fushë hymë ndryshe si ekip. Sa herë jam këtu, e ndjej”, deklaroi mbrojtësi i Kombëtares.

Dueli me Hori – Ai ka bërë në ndeshje shumë të mirë, ka qenë shumë i rëndësishëm për Çekinë. Fizikisht është afër 2 metër dhe është shumë e vështirë ta ndalësh, shpresoj që nesër t’ia dalim që të mos shënojë gol.

Çeluska, lojtari çek- Kemi folur dhe për këtë ndeshje, normalisht ai dëshiron të fitojë Çekia dhe në duam të fitojmë, shikojmë nesër.

gijotina.com/