Deputetët e Kuvendit të Kosovës do të mblidhet sot sërish në orën 11:00 për të vazhduar diskutimin lidhur me pikat e mbetura nga seanca plenare e së premtes.
Në rend dite janë një sërë projektligjesh që do të shqyrtohen për herë të parë dhe të dytë, ndërsa ka edhe disa marrëveshje ndërkombëtare për të cilat nuk ka pasur kuorum. Kuvendi i Kosovës nuk arriti të miratojë shpalljen e gjendjes së emergjencës energjetike në vend pas gati 8 orësh diskutime dhe ndërprerje në seancën e jashtëzakonshme të ditës së djeshme.
Mbledhja u karakterizua nga tensioni dhe sulmet e opozitës në adresë të qeverisë në lidhje me menaxhimin e krizës së energjisë elektrike në vend, ku në qendër të akuzave ishte kryeministri Albin Kurti, i cili nuk ishte prezent në këtë seancë.
Kritikave të opozitës iu bashkua dhe ish-kryeministri dhe kreu i AAK-së Ramush Haradinaj, i cila the se qeveria se po rrezikon shëndetin e qytetarëve me keqmenaxhimin e situatës energjetike në Kosovë. Nga ana tjetër, grupi i deputetëve të LDK-së u largua në shenjë proteste nga Kuvendi për shkak të mospjesëmarrjes së kryeministrit Albin Kurti.
Discussion about this post