Përplaset nga makina drejtuesi i një motori në aksin Lezhë-Shkodër, niset me urgjencë drejt Tiranës

Një aksident i rëndë është shënuar ditën e sotme në aksin rrugor Lezhë-Shkodër.

Drejtuesi i një motori ka mbetur i plagosur rëndë, pasi është përplasur nga një automjet.

Aksidenti ka ndodhur në aksin Lezhë-Shkodër, pranë kryqëzimit të fshatit Gocaj.

I plagosuri Gjon Zeka, rreth 60 vjeç, nga fshati Kallmet i Lezhës është dërguar me urgjencë në Spitalin e Lezhës dhe bëhet me dije se ka marrë fraktura të shumta.

Për këtë ai është transferuar me urgjencë në Spitalin e Traumës në Tiranë.

Ndërkohë, drejtuesi i automjetit shtetasin Ledian Maçaj është shoqëruar në komisariat. Nga veprimet paraprake hetimore dyshohet se mjeti që drejtohej prej tij, i cili po hynte në autostradë, i ka prerë rrugën motorit, duke sjellë dhe përplasjen e fortë.