Kreu i grupit të PD, Gazment Bardhi ka ngritur në Kuvend çështjen e përfundimit të mandatit të Gjykatës Kushtetuese. Bardhi ka kërkuar që të thërritet në seancë plenare Holta Zaçaj, ose në komisionin e Ligjeve dhe të deklarojë se kush po i bën presion, referuar deklaratës së saj për mediat.
“Kryetarja e Gjykatës kushtetuese ka deklaruar se ka presioni politik, ekonomik mbi anëtarët e gjykatës. Mua më shqetëson kjo çështje ngre pikëpyetje mbi ekzistencën e dy institucioneve të larta prandaj ne nuk duhet të qëndrojmë jashtë këtij debati. Ne duhet të kemi një seancë urgjente dëgjimore te kryetares së gjykatës kushtetuese dhe atij të gjykatës së larte.
Ne nuk do duhet si Kuvend të qëndrojmë jashtë këtij debate që po fut kushtetuesen e Shqipërisë në një ngërç kushtueses.
Mund ta fus Shqipërinë në një rrugë ku të kemi disa anëtarë të GJK, disa që mbajnë zyrën me dhunë, disa atë tjerë që zgjidhen nga organet e emërtesës duke sjellë pasoja për shtetin. Kjo mund të na krijojë probleme në Gjykatën Europiane të të drejtave të Njeriut”, tha Bardhi.
Kujtojmë se Gjykata e Lartë shpalli vendin vakant dhe bëri thirrje, duke e konsideruar se mandati i Zaçajt mbyllej më 10 mars 2025. Por për këtë vendim të Gjykatës së Lartë, Zaçaj ka rezerva duke thënë se ka tejkaluar kompetencat, pasi “Shpallja e vendit vakant nga Gjykata e Lartë, pa një vendim të Gjykatës Kushtetuese e ka zhveshur këtë të fundit nga kompetenca kushtetuese, veprim ky i paprecedent dhe i marrë me një urgjencë të pajustifikuar nga interesi publik apo forcë madhore, për të cilën të kërkohej ndërhyrje e menjëhershme”
Mbarimi i mandatit të kryetares sipas saj caktohet me vendim të Gjykatës Kushtetuese. Gjithashtu thekson se siguria e mandatit kushtetues është me rëndësi, sepse “Pa një Gjykatë Kushtetuese cënohet dhe rrezikohet siguria”.
Pas konfliktit me Gjykatën e Lartë, kryetarja e Gjykatës Kushtetuese Holta Zaçaj ka thërritur Mbledhjen e Gjyqtarëve për deklarimin e përfundimit të mandatit të saj. Në një deklaratë për mediat, vetë Zaçaj thotë se mbledhja u shty pasi nuk u arrit një vendimmarrje.
“Gjykata Kushtetuese duhet te jete e lirë nga presioni politik dhe mediatik që funksioni i saj si mbrojtës i parimeve kushtetuese të jetë i fortë dhe i besueshëm”, theksohej në krye të deklaratës së sotme të kryestres së Gjykatës Kushtetuese.
gijotina.com/
Discussion about this post