Sot vendi do të ndikohet nga kushte të qëndrueshme atmosferike me mot të kthjellët dhe vranësira të pakta kalimtare.
Masat ajrore të qëndrueshme do të vijojnë ndikimin e tyre duke sjellë mot të kthjellët në të gjithë vendin, ku më të theksuara kthjellimet paraqiten në zonat e ulëta dhe bregdetare ndërsa me kthjellime dhe vranësira të shpeshta do të jenë zonat malore. Pjesa e dytë e ditës do të mbetet nën dominimin e motit të kthjellët dhe vranësirave të herëpashershme në të gjithë territorin e vendit.
Parashikohet gjithashtu prezencë e ngricave, mjegullës së dendur lokale apo mjegullinës kryesisht në zonat luginore në orët e mëngjesit.
Temperaturat e ajrit do të rriten lehtë në vlerat minimale, por mbeten konstante maksimalet duke u luhatur nga -3°C vlera minimale e shënuar në qytetin e Gjirokastrës, deri në 17°C vlera maksimale e cila pritet në jug të territorit.
Sipas parashikimeve, era pritet të fryjë me drejtim veriperëndim-juglindje me shpejtësi mesatare 1-5m/s, shoqëruar me valëzimin në dete të forcës 1 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 2/15 | Diell |
| Kukës | -1/10 | Diell |
| Lezhë | 1/11 | Diell |
| Dibër | -1/10 | Diell |
| Durrës | 3/15 | Diell |
| Tiranë | 3/16 | Diell |
| Elbasan | 1/16 | Diell |
| Berat | 0/16 | Diell |
| Vlorë | 4/15 | Diell |
| Korçë | -1/10 | Diell |
| Gjirokastër | -3/17 | Diell |
| Sarandë | 5/17 | Diell |
Discussion about this post