Në konferencën e fundvitit me gazetarët, kryeministri Edi Rama ka folur ndër të tjera dhe për procesin e rindërtimit, ku pranoi se gjërat nuk kanë shkuar si duhet.
Rama tha para gazetarëve se ka pasur probleme me procesin e rindërtimit në Lac, ndërsa nuk la pa sulmuar dhe disa funksionarë të drejtësisë.
“Përballja tjetër është rindërtimi. Po ecën. Jemi në kushtet kur po rikthejmë me kënaqësi dhe me krenari në shtëpitë e tuye të reja shumë familje. Por procesi vazhdon, kemi kantiere të mëdha të hapura, Tiranë, 5 Majin e Kombinatit që ka marrë një kohë më të gjatë për shkak të problemeve të pronësisë. Kemi lagjen e re në Durrës dhe një sërë pallatesh individuale që kanë filluar ose do të fillojnë vitin e ardhshëm. Kemi lagjen e re në Krujë që më në fund ka nisur. Kemi Laçin dy ku edhe aty kemi pasur një problem që është një nga shëmbëlltyrat më të shëmtuara të situatës së përballjes me maskarenjtë e sistemit të drejtësisë që ende nuk kanë kaluar në procesin e Vettingut. Kemi Vorë, që është në proces dhe kemi gjithë besimin që 2022-I do të fshijë në tërësi të gjitha plagët e hapura nga tërmeti”, tha Rama.
Më herët, kryeministri u ndal dhe të kriza energjetike që është paralajmëruar më herët, ku tha se nuk do të ketë rritje të çmimit, megjithëse mbetet për tu parë.
Discussion about this post