Instagram i thotë lamtumirë filtrave të bukurisë

Nga 14 janari 2025, Instagram do t’i thotë lamtumirë filtrave të bukurisë, shkruan ilmessaggero.it.

Harrojini fytyrat perfekte, veshët perfektë apo sytë me ngjyra.

Kompania e Mark Zuckerberg, Meta, po përgatitet t’i thotë lamtumirë filtrave të bukurisë nga zhvilluesit e palëve të treta.

Platforma Meta Spark, e përdorur deri më tani nga zhvillues të jashtëm të kompanisë për të krijuar filtra bukurie bazuar në realitetin e shtuar, do të ndërpritet.

Në njoftimin për shtyp të lëshuar nga kompania thuhet se ”pas një vlerësimi të plotë, ne kemi marrë vendimin për mbylljen e platformës Meta Spark të mjeteve dhe përmbajtjeve të palëve të treta, e cila hyn në fuqi ditën e martë, 14 janar 2025”.

Sipas fjalëve nga specialistë të këtij sektori, më shumë se një përpjekje për të mbrojtur të rinjtë nga rreziqet që lidhen me standardet e bukurisë jonatyrore dhe të vështira për t’u arritur, vendimi i Metës do të ishte rezultat i disa risive që kompania ka hedhur në treg muajt e fundit.