Sali Berisha shkon në burgun e Fierit, pritet të takohet me Ervin Salianjin

Kreu i PD-së, Sali Berisha ka shkuar në burgun e Fierit për t’u takuar me demokratin Ervin Salianji.

Kjo është e para herë që Sali Berisha, pas daljes së tij nga arresti shtëpiak, shkon për të takuar ish-deputetin e PD-së.

Deputeti demokrat prej muajit shtator po qëndron në burgun e Fierit, pasi gjykata e Apelit konfirmoi dënimin me 1 vit burg ndaj tij për kallëzim të rremë në lidhje me dosjen “Babalja”.

Vendimi u cilësua një dënim politik jo vetëm nga opozita shqiptare, por edhe nga politikanë dhe media ndërkombëtare.

Më herët, ish-deputeti Salianji është vizituar dhe nga zyrtarë të tjerë të Partisë Demokratike.

Aktualisht çështja për të cilën është dënuar Salianji ndodhet në Gjykatën e Lartë, pasi ish-deputeti demokrat ka bërë rekurs.