Këngëtarja Rovena Stefa ka rrëfyer historinë e saj të dashurisë me një burrë të martuar, ndërsa u shpreh se nuk ishte në dijeni që ai kishte një familje.
Artistja, gjatë qëndrimit në BBV, u shpreh se mashkulli që dashuronte e mashtroi duke mos i treguar që ishte i martuar dhe kishte fëmijë.
Rovena Stefa rrëfeu se menjëherë sapo e zbuloi vendosi t’i japë fund lidhjes, duke theksuar se u lëndua shumë nga kjo ngjarje.
Këngëtarja shtoi se nuk u tregua hakmarrëse, duke mos i treguar bashkëshortes së tij për lidhjen jashtëmartesore që ai kishte.
“Kënga ‘Burrë të martuar’ e ka një histori të ngjashme që më ka ndodhur mua vite më para. Është histori e vërtetë, kam qenë e lidhur dhe e kam lënë menjëherë kur e kam kuptuar.
Ka qenë me fëmijë, më ka mashtruar, s’dua të tregoj vendin nga është, vite më parë, shumë jam lënduar nga ajo ngjarje. Nuk dua të prish familjen e askujt, jam tërhequr menjëherë, pavarësisht mashtrimit që ka bërë ai.Kur dikush bën mashtrim, je hakmarrës për t’i prishur punë, t’i tregosh gruas, këtë nuk e çoj në mend, sepse nuk ka faj as gruaja dhe as fëmijët”, u shpreh Rovena Stefa
Discussion about this post