Një sasi lende plasëse e dyshuar si tritol i është vendosur në orët e para të mëngjesit të sotëm në një biznesi në Theth.
Rreth orës 1:30 minuta, një person i cili duket edhe në kamera, është afruar në këmbë ka vendosur lëndën plasese dhe është larguar. Nga shpërthimi ka dëme të shumta materiale. Biznesi është në pronësi të shtetasit Ç. Berishta.
Policia e Shkodrës sqaron se autori i kësaj ngjarje, 39-vjeçari Frederik Paplekaj u vu në pranga tre orë pas ngjarjes, në kushte tepër të vështira për shkak edhe të reshjeve të dendura të dëborës.
39 vjeçari Frederik Paplekaj akuzohet për veprat penale “Shkatërrimi i pronës me eksploziv” dhe “Prishja e qetësisë publike”.
Autori u filmua edhe nga kamerat e sigurisë të cilat kishin kapur momentin kur ai u afrua ne këmbë dhe me pas vendosi lenden plasëse.
Autori: Porosinë ma dhanë nga burgu
39-vjeçari, Frederik Paplekaj është vënë në pranga ditën e sotme pasi dyshohet se ka vendosur tritol në një market në Theth
Përpara grupit hetimor, ai ka deklaruar se “porosinë për të vendosur lëndën plasëse e mori nga burgu” por nuk ka dhënë detaje të tjera.
Paplekaj vendosi lëndë plasëse në derën e e marketit në pronësi të Ç.Berishta dhe u largua nga vendngjarja. 39-vjeçari u regjistrua nga kamerat e sigurisë në momentin kur vendosi lëndën plasëse.
Discussion about this post