Kryetari i partisë “Mundësia” Agron Shehaj, deklaroi në emisionin “Të Paekspozuarit” në MCN TV se qytetarët kanë të drejtë të dinë se cfarë ka ndodhur me policin Azbi Spahiu që ndaloi djalin e Samir Manes. Shehaj tha se policia në vend të jetë në krah të qytetarëve, ose të paktën drejtuesit, janë në krah të kriminelëve dhe banditëve.
“Qytetarët kanë të drejtë të dinë se cfarë ka ndodhur me policin që ka ndaluar djalin e Samir Manes. Para se të shkojmë te akuzat, kush mendon se është ai, se është biri i një të pasuri apo oligarku, qytetarët shqiptarë duhet të dinë nga Ministri i Brendshëm se çfarë ka ndodhur, sepse bëhet fjalë për jetën e një oficeri të policisë, që është përfshirë në një ngjarje që ka të bëjë me djalin e Samir Manes. Ministri i Brendshëm bën një deklaratë të turpshme. Edhe nëse një qytetar nuk do të kishte dyshime, deklarata vetëm ngjall dyshime.
Policia në vend të jetë në krah të qytetarëve, ose të paktën drejtuesit, janë në krah të kriminelëve dhe banditëve.
Shkojmë te deklarata e ministrit të brendshëm, një turp, deklaratë politike.
Deklarata tjetër, që nuk ka firmë, nuk e ka marrë njeri përsipër… Deklarata mund të jetë shkruar nga kushdo, por vetëm nga familja jo. Duket si e njëjta dorë që ka shkruar deklaratën për Ministrin”– tha Shehaj.
Discussion about this post