Ndërkohë që vijon procesi i regjistrimit të votuesve nga jashtë ne platformën PER të vënë në dispozicion nga KQZ për aplikimet e votuesve nga diaspora, evidentohen nevojat për ndryshimet në Kodin Zgjedhor.
Raportohet se, palët prej disa javësh kanë artikuluar se kanë nevoja për ndryshime ligjore për votën e diasporës, ndërsa nga Partia Socialiste dhe Komisioni Qendror i Zgjedhjeve është kërkuar të afrohet afati kur partitë duhet të dorëzojnë listën e kandidatëve për deputetë, afat që është kërkuar të afrohet në 13 mars.
PD nga ana tjetër ka shtuar se ka nevojë edhe për dy ndryshime në Kod, duke kërkuar:
1. Të votojnë të gjithë ata emigrante shqiptare, të cilëve u kanë skaduar pasaporta dhe kartat biometrike.
Llogariten rreth 600 mijë qytetarë që i kanë skaduar dokumentet e identifikimit dhe jetojnë jashtë vendit, votues potencialë për zgjedhjet e 11 majit.
PD ka kushtëzuar se do të pranojë afatin e kërkuar nga PS, në rast se pranohen kërkesat e saj.
Discussion about this post