Avokati Genc Gjokutaj ka komentuar në emisionin “Task-Forcë” në SYRI TV mbi intervistën eksluzive të ish-zëvendëskryeministrit Arben Ahmetaj në programin “Cim Peka Live”.
Ai theksoi se Ahmetaj mund të ishte një bashkëpunëtor brilant i drejtësisë, por jo i drejtësisë që po ndodh aktualisht në Shqipëri. Gjokutaj kritikoi SPAK-un, duke e akuzuar për mos transparencë dhe shfrytëzim të detyrës. Sipas tij, shumë nga aferat që janë diskutuara në publik janë të njohura dhe duhej të hetoheshin nga SPAK, por ky i fundit po i mbulon ato. Avokati shprehu shqetësim për situatën e drejtësisë dhe ndikimin politik në SPAK, duke u shprehur se ky institucion është larg nga funksioni i tij i vërtetë. Ai theksoi se SPAK është i detyruar të japë transparencë për hetimet e zhvilluara dhe të bëjë të ditur nëse çështjet janë në procedim.
Gjokutaj: Ahmetaj mund të ishte një bashkëpunëtor brilant i drejtësisë, por jo i kësaj drejtesie. E gjithë ajo që shpjegoi mbrëmë Ahmetaj nuk është aktakuzë për Ramën dhe qeverinë e tij, është aktakuzë për SPAK, sepse shumë nga ato aferat ne i dimë, ndoshta jo në detaje, por kemi informacion sepse mediat i kanë dhënë në kohë, dhe pikërisht këtu, ai mbrëmë ka marrë të pandehur SPAK-un, ka marrë të pandehur SPAK-un në një shfrytëzim flagrant të detyrës, sepse ai SPAK paguhet për t’i nxjerrë letrat aty ku s’janë, jo për t’i fshehur dhe për t’i mos hetuar.
Dhe ai mbrëmë ka folur me akte, me akte të SPAK dhe kjo është shumë e rëndë.
SPAK njëherë ka detyrimin ligjor që të dalë të bëjë transparencë dhe të thotë se ato që u thanë mbrëmë janë në procedim apo jo, ka kallëzime apo jo për to. Por nuk e bën SPAK këtë. SPAK përgënjeshtronte çdo fjalë të Berishës kur ishte në arrest shtëpie, dilte. Tani pse nuk del SPAK të thotë, nuk ekziston çështja e llogarase, nuk ekziston kjo e inceneratorëve, nuk ekziston AKSHI, ose kemi procedim dhe jemi nën hetim.
Ju thonë pas se jep media, Rama dhe kjo mazhorancë, ata më të thekurit që i përmendi mbrëmë dhe të titulluar, këta kur pengojnë SPAK, dhe kanë kapur SPAK, llogarit se ç’bëjnë me median, prandaj kjo dekripton edhe diçka tjetër që këta jo vetëm kanë kapur drejtësinë, këta kanë kapur mediat dhe u desh vetëm një emision mbrëmë që të vijë në një deduksion të tillë dhe ky e ka bllokuar këtë histori.
Çfarë ka bërë Rama për besueshmërinë e SPAK? E ka folklorizuar SPAK-un. Ka besueshmëri SPAK thotë, SPAK-u është më i rrezikshëm se ata që ka arrestuar. SPAK është projektuar për të goditur opozitën dhe SPAK tani do shikojmë si do veje kjo punë, sepse ka dalë absolutisht jashtë funksionit.
Ka goditur pa mëshirë opozitën, liderët, kush ka hapur gojën e ka goditur, dhe nuk shikon SPAK ato shifra që tha mbrëmë Ahmetaj? Me 70 mijë dollarë bën 3 milionë fitim. Ku ka ndodhur kjo histori ndonjëherë, apo në firmën e Erion Veliajt që ka firmosur në vend të këshillit bashkiak, apo thirrjen që i bën Erion Veliajt Rama dhe i thotë mos e njofto LSI-në, i thotë mos e bëni muhabet, por vazhdo me inceneratorin.
Duhet të dini një gjë, nga pikëpamja juridike, në kuptim të provës, është çdo lloj informacioni që merr, çdo lloj informacioni në formën e kërkuar nga ligji. Forma e kërkuar nga ligji është ata që vijnë dhe marrin këtu tek SYRI, me kërkime marrje dhe bëjnë ekspertimin e autentikitetit, siç bën Amerika me rastin e terroristëve, siç bëjnë të gjitha prokuroritë e botës.
Ai nxori dje një sërë aktesh, ato akte, ata, me mjetet që janë sot ata mund t’i marrin dhe t’i shikojnë në sekondë, ato nga atje kanë dalë, nga SPAK, dhe e thotë këtij populli në çfarë gjendje është ky hetim, se Salianji është në burg për kallëzim të rremë, po ky që thotë të vërtetën në publik, po ku që flet në publik nuk është burim informacioni?
Discussion about this post