Kryetari i Partisë Agrare Ambientaliste (PAA), Agron Duka, foli sot në studion e News 24 për zgjedhjet e 11 majit si edhe për largimin e figurave me ndikim nga Partia Demokratike.
Ai tha se nga PD kanë dalë disa figura që nuk janë pa ndikim. Dhe sipas tij, demokratët do të mundohen të minimizojmë dëmin.
“Do mundohemi të grumbullojmë rreth PD partitë aleate që nuk janë pak. Do përpiqemi të minimizojmë dëmin nga emrat që janë larguar dhe të bashkohemi në çdo qark dhe të konsiderojmë që kundërshtari ynë është PS”, tha ai.
Më tej ai foli për problemin e korrupsionit në vend dhe lidhjet e tij sipas Dukës me qeverinë. Ai tha se kjo gjë duhet të marrë fund, ndërsa tha se shumica e votuesve në vend janë të moshuar. Duka bëri thirrje që SPAK Të shkëpusë rrënjët e krimit nga poltika.
“Nuk ka pasur asnjëherë lidhje kaq të forta mes politikës dhe krimit. Shkëputi bandat dhe bëj zgjedhje të lira. Le të fitojnë pastaj. Por nëse vijojnë me të njëjtin ritëm, kjo nuk ndodh…Nëse SPAK do krijojë një strukturë për të kapur ndonjë me ndihma ushqimore që ta quajë ndikim në zgjedhje dhe ta fusë në burg, nuk ka bërë gjë. Të shkëpusë rrënjët e krimit,” tha Duka.
Discussion about this post