Covid-19 në vend, 179 raste të reja dhe 2 viktima në 24 orët e fundit

Ministria e Shëndetësisë ka bërë publike shifrat e përballjes me pandeminë Covid-19 gjatë 24 orëve të fundit. Sipas këtyre të dhënave nga 1150 testime kanë rezultuar pozitivë 179 qytetarë, ku pjesa më e madhe i përkasin kryeqytetit. Ndërkohë betejën me pandeminë nuk kanë mundur ta fitojnë dy qytetarë, një qytetar nga Dibra 60 vjeç, një qytetar nga Kolonja 66 vjeç.

Ndërkohë në spitalet Covid po marrin trajtim 98 pacientë, nga të cilët 10 janë në gjendje më të rënduar. Gjithashtu janë shëruar 213 qytetarë gjatë 24 orëve të fundit, duke e çuar numrin e të shëruarve në 201,282 që nga fillimi i epidemisë.