Një aksident i rëndë ka ndodhur pak pas mesnatës në aksin rrugor Prrenjas-Librazhd, ku një autoveturë është përplasur me një kamion, për pasojë një grua ka humbur jetën, ndërsa një tjetër person ndodhet në gjendje të rëndë.
Burime jo zyrtare bënë me dije se në vendin e quajtur Pishkash në Njësinë Administrative Qukës rreth orës 00.10 janë përfshi në aksident një autoveturë dhe një kamion.
Burime nga vendngjarja konfirmuan se automjeti tip “Benz” me drejtues 34-vjeçarin shtetasin Zef Sinani është përplasur me kamionin me targë SK 3842 BO me drejtues një shtetas nga Maqedonia e Veriut.
Si pasojë e përplasjes ka humbur jetën një grua dhe ka mbetur i plagosur në gjendje të rëndë drejtuesi i autoveturës. I plagosuri është transportuar fillimisht në spitalin e Librazhdit dhe më pas në Spitalin Rajonal të Elbasanit. Ndërsa viktima është dërguar në morgun e Elbasanit. Paraprakisht dyshohet se shkak i aksidentit mund të ketë qenë qarkullimi i automjeteve me shpejtësi tej normave të lejuara një kthesë të fortë në Pishkash, ndërsa janë dokumentuar provat e ngjarjes për të përcaktuar shkaqet që sollën aksidentin.
Discussion about this post