“Jemi shteti, hap krahun”, telefonata që çoi në zbulimin e 119 kg kokainë në Vaqarr

Ngelet ende mister se kush fshihet pas trafikut të drogës me 119 kg kokainë, që u kap në një kontenjer me banane në një magazinë në Vaqarr më 30 dhjetor 2021.

Mësohet se ka qenë vetë pronari i kompanisë që ka telefonuar drejtorin e policisë së shtetit Gledis Nano për të informuar për ngjarjen e ndalimit të kontejnerit nga  kërcënimet deri tek kontrolli i kontenjerit nga persona ende të paidentifikuar  por që sipas dëshmisë së shoferit i kanë thënë “Jemi shteti, hap krahun këtu!”

Më pas pronari i kompanisë është lidhur me  një telefonatë dhe me drejtorin e policisë kriminale Tonin Vocaj. Komunikimi telefonik besohet se është bërë më 29 dhjetor ndërsa më 30 dhjetor 2021 është vendosur që policia të shkonte dhe të asistonte në shkarkimin e kamionit me banane.