Autogol nga Rrahmani, Como shokon Italinë duke fituar 2-1 kundër Napolit!

Kush tha se skuadrat e vogla nuk fitojnë dot ndaj rivalëve të mëdhenj në Serie A?

Como e Cesc Fabregas sot fitoi 2-1 kundër Napolit në shtëpi, duke i befasuar të gjithë në Itali. Fillimisht ishte mbrojtësi shqiptar Rrahmani ai i cili u dha një dorë vendësve.

Shtatlarti i Napolit bëri autogol në minutën e 7-të dhe kjo i dha avantazhin Como-s deri në minutën e 17-të, kur Napoli u zgjua. Raspadori shënoi golin e barazimit. Kështu u mbyll pjesa e parë.

45 minutat e dyta priteshin të ishin kthesa e madhe e napolitanëve, por ndodhi e kundërta. Assane Diao shënoi golin e dytë për skuadrën pritëse në minutën e 77-të dhe kjo i la të gjithë me gojën hapur.

Napoli nuk arriti dot të reagojë dhe ndeshja u mbyll 2-1. Napoli renditet i dyti me 56 pikë, 1 më pak se Interi kryesues. Como, ndërkohë, merr vendin e 13-të me 28 pikë.