Abuzimi me tendera/ Seancë në GJKKO për masat ndaj stafit të UBT, mbërrijnë dy zëvendës-rektorët

Mbahet sot në Gjykatën e Posaçme seanca për vlerësimin e 24 masave të sigurisë të firmosura ndaj anëtarëve të stafit të Universitetit Bujqësor të Tiranës.

Sapo kanë mbërritur në GJKKO dy zëvendës rektorët Ilir Kapaj dhe Romina Koto. Grupi Parlamentar i Partisë Socialiste është mbledhur në Kryesinë e Kuvendit, ku po zhvillohet dëgjesa me rektorin e Universitetit Bujqësor, Fatbardh Sallaku pas 24 masave të lëshuara nga SPAK.

GJKKO vendosi 24 masa sigurie për stafin e Universitetit Bujqësor, 5 arrest me burg, 10 arrest shtëpie dhe 9 detyrim paraqitjeje, me dyshimet për abuzim me tendera e korrupsion. Nëntë procedura prokurori, të zhvilluara në vitin 2022, me një vlerë prokurimi prej 900 mijë eurosh janë episodet që ka hetuar Prokuroria e Posaçme. SPAK thotë se zyrtarë të UBT në bashkëpunim me biznese frynin tenderat dhe përfitonin paratë.