Kryeministri Edi Rama ka postuar në “Facebook” një video me Sekretarin e Kryeministrisë Engjëll Agaçin, për të cilin më herët janë ngritur akuza nga kreu i opozitës Sali Berisha se është arratisur nga vendi dhe i është sekuestruar lap-topi nga prokuroria.
Rama shprehet se Agaçi ndodhej në Itali ku po merrte shërbime mjekësore, ndërsa këtë të martë sekretari i kryeministrisë, duket se është kthyer në Shqipëri.
“Sapo jam kthyer nga Berlini dhe kam gjetur këtu një të kthyer tjetër nga arratia, Engjëll Agaçin” ,shprehet kryeministri, ndërsa përkrah tij Engjëll Agaçi shprehet se “i falënderon të gjithë për mbështetjen”.
“Ky është Sekretari i Përgjithshëm i Kryeministrisë, Engjëll Agaçi, të cilin Bufi i Kënetës e shpalli arratiak në kërkim nga drejtësia dhe e gjithë aradheja kënetore kanal më kanal e portal më portal, ia telendisi familjen e të afërmit, duke batërdisur publikun me kua-kua-kuara të ububushme, teksa tjetri ishte në fije të perit në reanimacion me frymëmarrje të drejtuar, pas një operacioni në zemër që pasoi nga një ndalim i funksionit të mushkërive”, shkruan Rama.
LEXO EDHE:
- “Agaçit i kanë kapur lap-topin”, Berisha-Ramës: Do të ekstradoj në SHBA
- Berisha: Lap-Topi i Agaçit në prokurori, do zbulojë vjedhjet e tmerrshme të Ramës dhe grupit të tij
- “I është sekuestruar lap-topi”, Rama: Berisha gënjen, Engjëll Agaçi në Itali për operim. Kreu i PD: Trego prova
Discussion about this post