U konfliktua me policinë pasi parkoi keq makinën, në hetim kreu i PS-së në Frashër

Drejtori i Ujësjellësit Përmet do të procedohet penalisht, pasi nuk i është bindur urdhrit të policisë, duke kundërshtuar uniformat blu. 30-vjeçari raportohet se ka parkuar në mënyrë të parregullt automjetin e tij. Ai do të procedohet për veprat penale “Kundërshtim i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik

“Oficerët e Policisë Gjyqësore pranë Prokurorisë së Gjykatës së Rrethit Gjyqësor Përmet proceduan penalisht shtetasin F. D., 30 vjeç, banues në fshatin Frashër, Përmet(me detyrë drejtor i ujësjellësit në Bashkinë Përmet). Shtetasi F. D., në datën 03.01.2022, në qendrën e qytetit të Përmetit nuk i është bindur urdhrit dhe ka kundërshtuar punonjësit e policisë pasi kishte parkuar në mënyrë të parregullt automjetin”, thuhet në njoftim.