“Flirti” në rrjetet sociale mes kreut të Koalicionit Euroatlantik, Lulzim Basha dhe kryeministrit Edi Rama nuk është ndalur as mbrëmjen e sotme.
Pasi Rama i ktheu përgjigje Bashës, i cili e ironizoi për “shokët” që kanë përfunduar pas hekurave, si ministra, deputetë dhe zyrtarë të lartë të PS, kreu i Demokratëve Euroatlantikë nuk e ka vonuar mesazhin e radhës.
Kreu socialist iu përgjigj replikës së fundit të Bashës po me këngën e Unikatilit që ka karakterizuar këtë përplasje në rrjetet sociale mes tyre.
“S’e nuk po kupton që nuk mundesh me mu, sa herë ke provu çdo herë ke dështu”, ishin vargjet që përdori Rama, ndërsa Basha ia ka kthyer duke i thënë se “gjithë jetën ngeli pasagjer”, e se timonierët, referencë këtu për ata që firmosin tenderat, i ka tashmë në burgun 313.
“O Rame, pasagjer ngele mër burrë. Si s’të pash njëherë në timon. Apo harrova s’di me i dhonë ti, i japin të tjerët për ty. Masanej firifiu i çon te vendi ti apo jo? Ëëëë… Ku i ke shokët mër Ram. Ku i ke ata që i veshe në timon. Ata që firmosshin për ty. Mirë një në burg, dy në burg, tre në burg, katër në burg, pesë në burg, gjashtë në burg. Po o mush 313 me shokët e tu me Rame”, thotë Basha në videon e fundit.
Më tej, Basha hedh dyshime se kryeministri mund të jetë mashtruar nga ish-ministrat e tij që kanë shkuar në burg për korrupsion, duke gjetur vend këtu ta krahasojë me bufin, rederencë që Rama e përdor për kreun e PD, Sali Berisha.
“Ose ti je më buf se bufi dhe të vjedhin shokët pas shpine. Ose ti je nona kësaj pune. Je kreu i Bandës. E Rame, Rame”, shprehet Basha.
Në fund një mesazh i koduar e mbyll videon. “Kam një porosi po ta le të Çani, këto dy paketat”, thotë Basha, duke insinuuar një arrestim të mundshëm të shefit të qeverisë, pasi cigaret janë një artikujt më të përdorur prej të burgosurve.
Lexo edhe:
Discussion about this post