Personi që shihni në foto është 35-vjeçari Erion Çela që mbeti i vrarë nga atentati i ndodhur mbrëmjen e djeshme në zonën e Don Boskos në Tiranë.
Çela ishte në tavolinë së bashku me gruan shtatzënë, e cila ishte larguar vetëm pak minuta përpara se të zbraznin kallashin atentatorët.
Të plagosur kanë mbetur edhe 4 persona mes të cilëve edhe kamarieiri i lokalit ku u hap zjarr. Dëshmia e Arben Danit dhe 19 vjeçarit Azbi Selimaj nuk i ka ndihmuar hetuesit për të identifikuar autorët.
Ata kanë thënë se nuk kanë mundur të shohin asgjë vetëm kur janë hasur me breshërinë e plumbave. Arben Dani është mik i viktimës dhe personave të tjerë që ndodheshin në tavolinë me të dhe kishte ardhur nga Durrësi për t’i takuar.
Discussion about this post