Deputetja demokrate Jorida Tabaku ka komentuar në ‘Çdo Kënd’ dhe vendimin e Lulzim Bashës dhe Enkelejd Alibeajt për të dalë me dy parti të reja në këto zgjedhje parlamentare.
Teksa shpjegoi se kushdo që nuk i bashkohet opozitës i shërben mazhorancës, ajo shprehu edhe njëherë qëndrimin e saj se opozita duhet të ketë një model të sajin dhe jo një kopje të Ramës.
“Keqardhje që dy kolegët kanë krijuar dy parti të reja. E keqja është se nuk shohin dot të ardhmen. Kushdo që nuk i bashkohet opozitës i shërben mazhorancës. Kushdo që i shkon Ramës nga pas me tallavanë e tij, po tërheq vëmendjen nga korrupsioni. Ne njerëzve duhet t’u tregojmë një model tonin dhe jo një kopje të Ramës”, tha Tabaku
Deputetja demokrate foli dhe për strategjinë që ajo ka zgjedhur për të ndjekur në këtë fushatë zgjedhore, të cilën ajo e cilësoi si të pazakontë.
Tabaku rrëfeu se ajo gjatë këtyre ditëve deri në zgjedhje do të takohet me njerëzit në rrugë dhe kudo, teksa synimi është informimi i tyre për të vërtetën.
“Unë e kam bërë fushatën derë më derë. Ata që më ndihmojnë mua më thonë që duhet ta shfaq më shumë këtë pjesë. Kam një ekip me të rinj. Është diçka normale. Unë e bëj pazarin vetë. Se dalë duke bërë Pazar nuk është gjë e re. Unë pothuajse çdo ditë bëj video për ekonominë. Jemi gjithë kohës në lëvizje dhe iu përgjigjem atyre gjërave si akuza. Fokusohem te të vërtetat. Unë kam punuar çdo ditë në katër vite. 3 vitet e shkuara nuk kanë qenë normale në PD. Por është kënaqësi kur takon njerëz në rrugë. Qytetari të identifikon në këtë mënyrë”, tha Tabaku.
Discussion about this post