Ambasada amerikane ka përshëndetur vendimin e Departamentit të Thesarit të SHBA-së për vendosjen e sanksioneve te reja ndaj udhëheqësit serb të Bosnje Hercegovinës, Milorad Dodik.
Në një postim në rrjete sociale, ambasada shkruan se kjo është një përgjigje ndaj aktiviteteve korruptive të tij si dhe kërcënimeve të vazhdueshme ndaj stabilitetit të Bosnjes. Vendimin e ka përshëndetur dhe diplomatja amerikane Yuri Kim e cila ka ripostuar në Twitter reagimin e ambasadës.
“Sot, Zyra e Kontrollit të Pasurive të Huaja, përcaktoi publikisht Milorad Dodik, anëtar i Presidencës së BH & një platformë mediatike të lidhur me të, në përgjigje të aktiviteteve korruptive të tij & kërcënimeve të vazhdueshme ndaj stabilitetit & integritetit territorial të BH” – shkruhet në postimin e Ambasadës Amerikane.
Discussion about this post