Zbardhen detaje nga atentati me armë zjarri në zonën e Don Boskos në Tiranë, ku u vra një person dhe u plagosën 4 të tjerë. Burime bëjnë me dije se viktima Erion Çela së bashku me të vëllain e tij Blerim Çela, i cili mbeti i plagosur në këtë ngjarje, janë të përfshirë po ashtu në trafikun e drogës në shtetit italian, njëlloj si daja i tyre, Edmond Crroj.
Sipas dosjes së hetimit, referuar dëshmisë së dhënë nga Urim Crroj, daja i viktimës, mësohet se dy vëllezërit Çela janë të përfshirë në trafikun e drogës, çfarë shton dyshimet e hetuesve se pikërisht dy vëllezërit mund të ishin po ashtu shënjestra e atentatit.
Megjithatë, në trafik droge dhe në prostitucion ishte i përfshirë edhe daja tjetër i tyre, Edmond Crroj, i cili gjithashtu u plagos pasditen e 4 janarit. Ky i fundit mbetet gjithashtu në fokus të hetimeve si objektiv i këtij sulmi.
Urim Crroi ndryshe njohur me emrin Andi Duka, daja i viktimës, ka thënë se rreth orës 16:00 është marrë në telefon nga bashkëshortja e Erion Çelës e cila i ka treguar për ngjarjen. Ai sqaron se me vëllain e tij Edmondin ka folur në telefon rreth orës 14:30, i cili i ka thënë se ishte në lokal por nuk i ka treguar se ku.
Discussion about this post