Në çdo vit kompania “Gega Center” e përfiton nga një tender pa pasur garues të tjerë, por totalisht në shkelje të ligjit. Këtë herë “bamirësia” për këtë kompani është bërë nga bashkia e Malësisë së Madhe. Me 31 dhjetor kur të gjithë ishin pushim, kjo Bashki ka mbyllur tenderin me objekt: Blerje Karburanti dhe fond limit mbi 160 milionë lekë. Por, në këtë rast bashkia nuk ka respektuar ligjin për prokurimet publike, pasi në garë ka qenë vetëm “Gega Center” dhe asnjë kompani tjetër, pra logjikisht ka shpallur fituesin vetëm me një pjesëmarrës, duke shkelur rregullin kryesoret për kontratat tenderuese.
Sikur të mos mjaftonte kaq, bashkia ka shkelur edhe një pikë tjetër të ligjit pasi, kompania fituese ka paraqitur një ofertë me vlerë shumë gati sa fondi limit i përcaktuar, ndërsa ligji kërkon që oferta të jetë më e ulët se fondi limit. Konkretisht, në dokument thuhet se oferta e “Gega Center” kap vlerat e 16 272 960,00 lekëve, ndërsa fondi limit regjistrohet në vlerën e 160 284 000,00, pra një diferencë e papërfillshme.
Skandalet e “Gega Center”
Kryetari i Bashkisë Malësi e Madhe, Tonin Marinaj, ka bërë “një vesh shurdh e një sy qorr” përball skandaleve të “Gega Center” , abuzimet e raportuara rreth kësaj kompania dhe ka shkelur sheshit procedurat tenderuese. Një nga skandalet më të fundit të kësaj kompanie është me marrjen e një tenderi pa garë rreth 500 mln euro nga Bashkia Devoll për blerje karburanti. Por, si mund të vidhen kaq shumë para për karburant nga një bashki e cila numëron jo më shumë se rreth 26 mijë banorë me një sipërfaqe prej rreth 458 kilometra katrorë. Pra i njëjti skandal po përsëritet sot me Malësinë e Madhe, ku jepen shuma marramendëse për shërbime që nuk kushtojnë shumë dhe tenderi bëhet në shkelje të ligjit.
E.H/ Gijotina.com
Discussion about this post