Ka nisur sot Europiani për U-17, kompeticion i cili këtë herë zhvillohet në vendin tonë. Shqipëria merr pjesë, duke qenë vend organizator. Ndeshja e parë ka qenë pikërisht mes Shqipërisë dhe Portugalisë, e luajtur në “Arenën Kombëtare”, e cila përfundoi 0-4 për “luzitanët”.
Pjesa e parë është mbyllur 0-1 për protugezët. Goli erdhi në minutën e 36-të me Rafael Quintas, i cili shënoi me kokë pas krosimit të marrë në krah. Në pjesën e dytë Portugalia dyfishoi shifrat.
Në minutën e 65-të, Mide pengohet brenda zonës nga Nuhaj, arbitri akordon 11-metërsh, i cili ekzekutohet saktë pikërisht nga lojtari që e fitoi. Goli i tretë erdhi me Manuel në minutën e 82-të, pas një aksioni të bukur. Në minutat shtesë pati kohë dhe për golin e katërt të shënuar nga Soares. Në 20:30 luhet ndeshja tjetër e grupit mes Francës dhe Gjermanisë në “Elbasan Arena”.
Discussion about this post